香港政府在2023年施政報告中宣布，由即日起所有在香港出生而父或母是香港永久性居民的新生嬰兒，發放一筆過HK$20,000獎勵金，計劃將試行3年再作檢討。本文講解香港新生BB領取生育津貼的資格、申請手續，並同大家計一計HK$20,000補貼到養育初生嬰兒到底有幾大幫助。
HK$20,000新生嬰兒獎勵金資格：香港人/單非初生寶寶
根據已公布資料，要獲取新生嬰兒獎勵金，須符合3大條件：
- 嬰兒在香港出生
- 父或母其中一方是香港人，即香港人或單非家庭都符合資格
- 於2023年10月25日至2026年10月24日期間出生
新生嬰兒獎勵金計劃對父母婚姻狀況不設限制，即已婚或單親家庭所生寶寶，乃至私生子，只要符合上述3項條件，都可獲發新生嬰兒獎勵金。
生育津貼申請方法
生育津貼申請程序預料會與申請出世紙同步進行，手續十分簡單。根據現行規定，父母要在嬰兒出生後42天內辦妥理出生登記，入境處會在父母辦理出世紙時，提供申請表供父母申請新生嬰兒獎勵金，或用「智方便+」提交網上申請。
父母要提供個人資料、銀行戶口用作收款，以及可以接收短訊的本地聯絡電話號碼，預料可在2至3星期內完成審批。
不過，由於新生嬰兒獎勵金計劃需要等立法會通過撥款，因此預計最快明年第一季才能開始發放款項。
派HK$20,000幫到父母幾多？
多年前，香港有廣告指湊大一個小朋友需要花費HK$400萬，到了2022年，這筆金額據說已大增至HK$600萬。因此，HK$20,000生育津貼一出，不少網民抱怨指津貼作用如杯水車薪。
到底這筆獎勵金可幫到父母幾多？不妨粗略計一計在香港湊B的基本開支：
| 湊B支出項目 | 費用 |
| 公立醫院分娩 | 本地孕婦免費，但會收入院費HK$75；住院費每晚HK$120 |
| 私家醫院分娩 | 視乎所選醫院及醫生而定，通常由HK$60,000至HK$120,000不等 |
| 陪月員 | HK$20,000 – HK$30,000 |
| 奶粉 | 視乎牌子，假設每罐HK$500，一罐飲一星期，一年開支HK$26,000 |
| 尿片 | 視乎牌子及BB用量，粗略估計首年要花約HK$5000 – HK$8,000 |
| 嬰兒床 | 豐儉由人，通常由HK$500至數千元不等 |
| 嬰兒車 | 豐儉由人，通常由HK$500至數千元不等 |
| 衣服 | 豐儉由人，HK$5,000 – HK$10,000應已足夠 |
延伸閱讀：生B預算：香港生仔女要幾錢？
其他常見開支還有奶樽、奶嘴、清洗及消毒用具、沐浴用品、濕紙巾、零食、保健品、玩具、醫療保險、睇醫生、報play group，難之盡錄。因此，HK$20,000津貼基本上連應付第一年奶粉和尿片都不足夠，難怪家長都認為津貼難成為生B誘因。
不過，換個心態，HK$20,000其實已等同香港人月入中位數，有補貼總好過冇，不妨將新生嬰兒獎勵金當成一封「大利是」，慰勞辛苦懷孕、生育及湊B的父母。為子女健康成長做好財務準備，是香港父母必修的第一課，在這個世道更顯艱難，所以請用樂觀心態擁抱小生命誕生，並學會精明及策略性理財，用有限資源給予子女最好的童年。
延伸閱讀：「家有初生」公屋優先配屋 + 居屋優先選樓 申請資格懶人包
🎁2024年12月虛擬銀行開戶迎新獎賞
| 銀行 | 領取獎賞條件 | 截止 |
| Airstar Bank 天星銀行 ➡️睇評測 | 由即日起至2024年12月31日，新客戶輸入邀請碼【PLANTO】成功開立天星銀行airstar bank戶口，可享高達4.5%p.a.港幣活期存款年利率獎賞。 👉即刻開戶+拎獎賞 | 31/12 |
| Mox Bank ➡️睇評測 | 12月31日或之前使用專屬優惠碼「4100PLT」成功開立戶口及成功申請Mox 信用卡： 🎁 任何消費不限類別，一律低至 HKD4= 1「亞洲萬里通」里數 🎁0上限、0％外幣交易手續費 🎁 迎新最高送25,000「亞洲萬里通」里數，相等於送你一轉日本來回機票！ 👉即刻開戶+拎獎賞 | 31/12 |
